دۆخی ترەمپ بەهۆی کۆرۆناوە زۆر لەوە خراپتر بووە کە هاووڵاتییان زانیویانە

SNN

پاش ئەوەی ئەمڕۆ دۆناڵد ترەمپ نەخۆشخانەی جێهێش و وا بڵاوکرایەوە کە باری تەندروستی جێگیرە، بەڵام پزیشکەکانی گومان دەخەنە دڵی هەموو لایەکەوەو لە راگەیەندراوێکدا کە تا رادەیەک تەمومژاوی بوو باس لە خراپی دۆخی ترەمپ دەکەن لە نەخۆشخانە.

پاش هاتنە دەرەوەی لە نەخۆشخانە ترەمپ لە تویتێکدا ئاماژە بەوە دەکات و دەڵێت ” گەشتێکی قورسم لەگەڵ کۆرۆنا بەڕێکرد زۆر شت لە کۆرۆناوە فێربووم”. بەڵام پزیشکەکانی ترەمپ رایانگەیاند: دۆخی تەندروستی ترەمپ بەتایبەت سییەکانی بەرەو باشتر چووە دوایی ئەوەی ئۆکسجینمان بۆ بەکارهێنا، ئەمەش مانای ئەوەیە کە باری تەندروستی ترەمپ هێندە تێکچووە کە ئۆکسجینی بۆ بەکارهێنراوە.

شۆن بی کە پزیشکی کۆشکی سپی ئەمریکایە رایگەیاند: رێژەی ئۆکسجین لە خوێنی دۆناڵد ترەمپدا دابەزیوە بۆیە ئۆکسجینمان بۆ بەکارهێنا، هەروەها لە بەیانی رۆژی هەینیدا تووشی تایەکی قورس بووەوە چارەسەرمان بۆ تاکەشی بەکارهێنا، بۆیە دۆخی ترەمپ زۆر لەوە خراپتر بووە کە هاووڵاتییان زانیویانە.

لە کۆتاییدا ناڕوونی و نا گونجاندنێکی زۆر هەیە لەسەر ئەو راپۆرتانەی کە کۆشکی سپی لەسەر دۆخی ترەمپ بڵاویان دەکردەوەو ئەوەی کە پزیشکەکانیشی وتویانە، هەرچەندە لەکاتی ئێستادا نەخۆشخانەی جێهێشتووە بەڵام بەردەوام چاودێری وردی دۆخی تەندروستی سەرۆک دەکرێت.