ریهانا داوای لێبووردن لە موسڵمانان دەکات

SNN

بەهۆی ئەوەی لە ریکلامێکیدا بۆ جلی ژێرەوە کەلەپورێکی ئیسلامی دەرکەوتووە، ریهانای گۆرانیبێژی ئەمریکی دووچاری رەخنەی زۆر بووەوە و داوای لێکرا روونکردنەوە بدات.

ریهانا لەوبارەیەوە دەڵێت: “کاتێک ریکلامی بۆ جلی ژێرەوە کردووە لە شاری لۆس ئانجلۆس، پاشماوەیەکی ئیسلامیی دەرکەوتووە و ئەوەش بە ئەنقەست نەبووە”.

ئەوانەی داوای روونکردنەوەیان لە ریهانا کردووە، باسی ئەوەیان کردووە کە شوێنەکە گونجاو نەبووە لەگەڵ ئەو جۆرە ریکلامانەدا و نابێت دووبارە بێتەوە.

ریهانا لە ئینستاگرامەکەی خۆی نووسیوێتی: “سوپاسی موسڵمانان دەکەم کە ئەو هۆشدارییەیان پێدام و تێنینییان دامێ، بۆیە داوای لێبووردن دەکەم لە هەر کەسێک نیگەران بووبێت”.

ئەوەشی نووسیوە کە لەگەڵ تیمەکەی هەوڵدەدات هەڵەی وا دووبارە نەبێتەوە، چونکە ئەو نەیزانیوە ئەو پاشماوە ئیسلامییە لە ڤیدیۆکەدا دەردەکەوێت.