فەرەنسا ژمارەیەک رێکخراوی موسوڵمانی لە وڵاتەکەی داخست

SNN

جێرارد دارمانین وەزیری ناوخۆی فەرەنسا رایگەیاند: کۆمەڵێک رێکخراوی کۆمەڵگەی مەدەنی موسوڵمانان لە فەرەنسا داخراوە، ئەم هەڵوێستانە دوای سەربڕینی مامۆستا فەرەنسییەکە دێت.

دارمانین ئاماژەی بەوەشکرد تەواوی رێکخراو موسوڵمانییەکان دەخرێنە ژێر چاودێری وردەوە، هەروەها کۆمەڵێک رێکخراو بە فەرمانی سەرۆکوەزیران دادەخرێت، لە چەند هەفتەی رابدروو چەند رێکخراوێکمان داخستووەو بەردەوامیش ئەبین لە چاودێری و داخستن لەژێر ناونیشانی “بەرەنگاربوونەوەی ئیسلامی توندرەو” تا ئێستا 73 شوێنی جیاواز داخراوە.

چەند رۆژێک لەمەوبەر لە پاریسی پایتەختی فەرەنسا، مێردمنداڵێکی چیچانی بەچەقۆ مامۆستایەکی سەربڕی، مامۆستاکە پێشتر وێنەی کاریکاتێری پەیامبەری ئیسلامی پێشانی قوتابییەکانی دابوو، رووداوەکە کاردانەوەی تووندی ناوەندە جیاوازەکانی کۆمەڵگەی فەرەنسی بەدوای خۆیدا هێنا، بەتایبەت کە ئەوە یەکەمجار نییە پەناهەندەکانی فەرەنسا، لەو وڵاتەدا کاری تووندووتیژی ئەنجامدەدەن.