ئیمارات وەک یەکەم وڵاتی عەرەبی ڤیزە لەسەر ئیسرائیل هەڵدەگرێت

SNN

میدیاکانی ئیسرائیل بڵاویان کردەوە کە ئەمڕۆ رێککەوتن واژوو دەکرێت بۆ هەڵگرتنی ڤیزە لەنێوان ئیسرائیل و ئیماراتدا، دوای ئەم بڕیارەش ئیمارات دەبێتە یەکەم وڵاتی عەرەبی ڤیزە لەسەر ئیسرائیل هەڵگرێت.

رێککەوتنەکە لە رێوڕەسمێکدا بە بەشداری سەرۆکوەزیرانی ئیسرائیل، بێنیامین ناتانیاهو و وەزیری دارایی ئەمریکا، ستیڤن منوچین و وەزیری دارایی ئیمارات، عوبەید بن حامید تەیار لە فڕۆکەخانەی نێودەوڵەتیی بن گوریۆن لە تەل ئەبیب واژوو دەکرێت، پاشانیش راگەیەندراوێکی هاوبەش بڵاودەکرێتەوە.

هەر ئەمڕۆش شاندێکی ئیمارات سەردانی ئیسرائیل دەکات و لەگەڵ حکومەتی تەل ئەبیب-دا، زنجیرەیەک رێککەوتن واژوو دەکات بۆ ئاسانکاریی گەشتە بازرگانییەکانی نێوان هەردوولا، ئیسرائیل و ئیمارات لە 15ی ئەیلوولی رابردوودا لە رێوڕەسمێکدا لە کۆشکی سپی رێککەوتنی ئاساییکردنەوەی پەیوەندییەکانیان واژوو کرد.