سبەی وەزیری ناوخۆ دەچێتە پەرلەمان
ڕێبه‌ر ئه‌حمه‌د، وه‌زیرى ناوخۆى حكومه‌تى هه‌رێمى كوردستان | فۆتۆ: KRG GOV
SNN- بریار محەمەد
سەرۆکی لیژنەی ناوچە کوردستانیەکانی دەرەوەی ئیدارەی هەرێم ئاشکرای دەکات: “سبەی بۆ روونکردنەوە لەسەر رێکەوتنی شەنگال هەریەکە لە ڕێبەر ئەحمەد وەزیری ناوخۆ، خالید شوانی وەزیری هەرێم بۆ کاروباری بەغدا دەچمە پەرلەمان و میوانی لیژنەکەمانن”.
جوان رۆژبیانی، سەرۆکی لیژنەی ناوچە کوردستانیەکانی دەرەوەی ئیدارەی هەرێم بە snnی ڕاگەیاند: وەکو لیژنەی ناوچە کوردستانییەکانی دەرەوەی هەرێم، سبەی میوانداری هەریەك لە ڕێبەر ئەحمەد وەزیری ناوخۆ، خالید شوانی وەزیری هەرێم بۆ کاروباری بەغدا دەکەین.
وتیشی: تەوەری گفتوگۆمان بریتی دەبێت لە ڕێککەوتنی شنگال، رەوشی ناوچەکوردستانییەکان و ئاسایی کردنەوەیان.
لە ماوەی رابردوودا حکومەتی هەرێم و بەغدا رێککەوتنێکیان لەبارەی ئاساییکردنەوەی رەوشی قەزای شەنگال ئەنجامدا.
