نێردەی ئەمریکا بۆ ئێران “سیاسەتمان بەرامبەر ئێران نەگۆڕە”

SNN

دوای دەرچوونی جۆو بایدن کاندیدی دیموکراتەکان لە هەڵبژاردنی ئەمریکا، پرسیار دروستبووە کە ئایا سیاسەتی کابینەکەی جۆو بایدن هەمان سیاسەتی ترەمپ دەبێت یاخود بایدن نەرمترە لەگەڵ ئێران.

لەو بارەیەوە ئیلۆت ئەبرامز نێردەی ئەمریکی بۆ کاروباری ئێران رایگەیاند: بەرژەوەندی ئەمریکا و سیاسەتەکانی بە گۆڕانی سەرکردەکەی گۆڕانکاری بەسەردا نایەت، ئەمەش مانای ئەوەیە سزاکانی ئەمریکا بەرامبەر پڕۆگرامە ئەتۆمییەکەیکە دراون بەسەریدا نەگۆڕ دەبێت.

ئاماژەی بەوەشکرد کە سزاکانی ئەمریکا بۆ سەر ئێران نەک نەگۆڕە بەڵکو بۆ رێگەی نوێش دەگەڕێین کە سزای ئێرانی پێبدەین تا دەستبەردانی پرۆگرامی ئەتۆمی خۆیبێت و پاڵبشتی تیرۆر نەکات لە ناوچەکەدا.