یانەی ئهفرۆدێت دوو یاریزانی ههڵهبجهی شههید و یاریزانێكی ههڵبژاردهی عێراق دههێنێته ریزهكانییهوه
کچانی ئەفرۆدێت
ئهردهڵان محهمهد – SNNsport
شاری سلێمانی یهكێكه لهو پارێزگایانهی لهسهر ئاستی كوردستان و عێراق كه گرنگی تایبهتی به یارییه جۆراوجۆرهكانی كچان دهدات ،ههر ئهوهش هۆكارێكه كه زۆرێك له یاریزانانی پارێزگاكانی تر روو له یانهكانی شاری سلێمانی بكهن بههۆی ئاست بهرزی و ئهنجامه گهورهكانیانهوه.
یانهی ئهفردۆێت بهشدار له خولی نایابی فوتساڵی كچانی یانهكانی كوردستان دهیهوێت ئهمساڵ ژمارهیهكی قورس بێت له خولهكه و پێش دهستپێكردنی وهرزی نوێش سێ یاریزانی هێنایه ریزهكانییهوه كه یهكێكیان له ریزی ههڵبژاردهی عێراق یاری دهكات.
لهو بارهیهوه كاروان زیرهك راهێنهری كچانی فوتساڵی یانهی ئهفرۆدێت رایگهیاند:” ئهمساڵ بهپێچهوانهوه جیاوازه لهساڵانی رابردوو بههۆی بڵاوبوونهوهی كۆرۆناوه، ئهگهر پێكهاتهكهشت ههموویان یاریزانه باشهكانی كوردستان بێت، بهڵام لهئهگهری تووشبوونی یاریزانێكی بههێزت بهم پهتایه ههموو پلانهكانمان لێتێكدهچێت و ناتوانیت پێشبینی بكهین، بۆیه ئهمساڵ چاوهڕوانی ئاستی باشتر له تیپهكهم دهكهم، ئهگهر پێكانی یاریزان و تووشبوونیان به كۆرۆنا نهیهته بهردهممان”.
كاروان ئاماژهی بهوهشدا:” پێم وایه ئهمساڵ تیپێكی جیاوازتر دهبینین له ساڵی رابردوو بههۆكاری ئامادهكارییهكی باش و هێنانی ههریهك له نیان وهلی و سندوس مهعروف له یانهی ههڵهبجهی شههید و تبارهك موهیهد یاریزانی یانهی قووهجهوییه و ههڵبژاردهی عێراق، لهبهرئهوه ئێمه ماوهی سێ ساڵه ئهم تیپهمان له سهرهتاوه دروست كردووه، بۆیه ههموو كاتێك یانهی ئهفرۆدێت ژمارهیهكی قورس بووه له خول و پاڵهوانێتیهكان، بهڵام نابێت ئهوهمان بیرچێت كه سهرجهم ستافی تیپهكه بهخۆبهخش خزمهت دهكهین ئهوهش ئێمه و یانهكانیتری خولی كوردستان لهیهكتر جیا دهكاتهوه”.
بۆ وهرزی ئهمساڵی خولی نایابی فوتساڵی كچانی یانهكانی كوردستان یانهی ئهفرۆدێت پێكهاتهكهی به هێنانی دوو یاریزانی دووكان و دوو یاریزانی ههڵهبجهی شههید و یاریزانێكی قووه جهوییه بههێز كردووه و تهنیا یهك یاریزانیش ریزی تیپهكهی جێهێشتووه.
