پەرلەمانی عێراق 13 سکاڵا دژی ئەندامێکی خۆی دەجوڵێنێت

SNN

سەرۆکی پەرلەمانی عێراق ئەمڕۆ شەممە رایگەیاند “13 سکاڵای دژی عەلی سەجری پەرلەمانتار تۆمار کردووە کە تۆمەتەکان خۆیان لە (جنێو دان و تەشهیر) دژی محەمەد حەلبوسی دەبیننەوە”.

بەیاننامەیەکی فەرمانگەی راگەیاندنی پەرلەمان ئاشکرایکردووە “ئەو پەرلەمانتارە لە تۆڕە کۆمەڵایەتییەکان هەستاوە بە بەخشینەوەی تۆمەت و جنێو دان و قسەی ناشرین دژی سەرۆکی پەرلەمانی عێراق”.

بەیاننامەکە دەشڵێت: “قسە و تۆمەتەکانی (عەلی عەبدوڵا حمود ئەلسەجری) هیچ بنەمایەکیان نییە و خاڵین لە راستی، بۆیە 13 سکاڵا دژی جووڵێنراوە تائێستا”.

پێشتر ئەو پەلەمانتارە لە چەندین بۆنەدا محەمەد حەلبوسی سەرۆکی پەرلەمانی عێراقی بە گەندەڵ و دز ناو بردبوو.