داعش پەلاماری سوپای عێراق و حەشدی شەعبی دەدات

SNN- سیروان حەسەن

کەمێک لەمەوبەر چەکدارانی داعش لەسنووری خورماتوو پەلاماری سوپای عێراق و حەشدی شەعبیداو بەپێی زانیارییە سەرەتاییەکان چوار سەرباز بریندارە.

عەلی حوسێنی وتەبێژی حەشدی شەعبی لەخورماتوو بە SNNی راگەیاند: کەمێک لەمەوبەر لەناوچەی بستاملی چەکدارانی داعش پەلاماری سوپای عێراق و حەشدی شەعبیان داو چوار سەرباز برینداربووە.

وتیشی “لە کامێرای تایبەتی هێزەکانەوە چەکدارەکانیان بینیوە ژمارەیان سێ چەکدار بووە و دوای پەلامارەکەیان هەڵهاتوون و هێزەکانیش لەناوچەکە بەدواداچون دەکەن”.

هەر بەپێی زانیارییەکان بۆمبێکی چێندراو بەو هێزانە تەقیوەتەوە و جگە لەزیانی گیانی هاوکات زیانی مادیش بەر هێزەکە کەوتووە.