نوێنەری کلدانییەکان داوا لەسەرۆکی حکومەت دەکەن زێدەکانیان بپارێزێت

SNNـ بڕیار محەمەد

لەبارەی دۆسیەی زێدەڕۆیی سەر زەوییەکانیا لە گوندی “کێشکاوە” لە نزیک گەڕەسۆر نوێنەری کلدانییەکان داوا لەسەرۆکی حکومەت دەکەن زێدەکانیان بپارێزێت.

ئەمڕۆ سێشەممە 24ی تشرینی دووەم، “ڕۆمیۆ هەکاری” پەرلەمانتاری کلدانی لە پەرلەمانی کوردستان لەکۆنگرەیەکی ڕۆژنامەنووسیدا ڕایگەیاند: ” ” ئێمە بەپێی یاسا ڕێگری لە زێدەڕۆیی و گۆڕینی دیمۆگرافیا دەکەین، داوامان لە پەرلەمانی کوردستان کردووە دەستدرێژی و زێدەڕۆیی بۆسەر گوندی شێرکاوە ڕابگرێت”. چونکە ئەوە پێشێلکاری مافی پێکهاتەکانە.

وتیشی “داوا لە سەرۆکی حکومەتی هەرێمی کوردستان دەکەن لە زێدەڕۆیی بیان پارێزێت، چونکە ئەوە گۆڕینی دیموگرافیایە، کەرتی گوندی کێشکاوەیە 22 پارچە زەوی کشتوکاڵییە و 120یان تاپۆن و ئەوانی تریش گرێبەستی کشتوکاڵین بەگشتی زیاتر لە دوو هەزار دۆنمە”.

ئاماژەیان بەوەشکرد “داوا لە پەرلەمان و حکومەتی هەرێم دەکەن بەپێی یاسا مافەکانیان بۆ بگێڕدرێتەوە، چونکە ئەوان مافی خۆیانە ئەو زەویانە وەربگرنەوە”.

گوندی کێشکاوە دەکەوێتە سنووری قەزای ئاکرێ و لەلایەن خەڵکی نزیکی گوندەکەوە زەوییەکانی ئەو گوندە دەستی بەسەردا دەگیرێت.