هواوی مۆبایلێکی نوێی دەرکردووە کە دەتوانێت گەرمی جەستەی مرۆڤ بپێوێت
SNN
کۆمپانیای هواوی چینی لە هەنگاوێکی جیاوازدا مۆبایلێکی نوێ دروستدەکات کە لە رێگەیەوە دەتوانرێت گەرمی جەستە بپێورێت، ئەمەش سودێکی باشی دەبێت وەک پشکنینێکی سەرەتای بۆ کۆرۆنا.
هەرچەندە پێشتر مۆبایلی سامسۆنگ توانی لێدانی دڵ و ئۆکسجین لە مۆبایلەکانی خوێندا زیاد بکات، بەڵام ئێستا هواوی تەواوی ئەو تایبەتمەندیانەی سامسۆنگی لە خۆیدا کۆکردۆتەوە لەگەڵ پێوانەی گەرمی جەستە، هاووڵاتییان دەتوانن لە کاتی گومانی تووشبوونیان بە ڤایرۆسی کۆرۆنا ئەم پشکنینە سەرەتاییە بۆ خۆیان ئەنجام بدەن.
بەپێی زانیارییەکانی گۆڤاری فۆربس” مۆبایلە نوێکەی هواوی ناوی (هواوی مەیت 40ی RS)ە لە توانایدایە تەنیا لە ماوەی یەک چرکەدا پلەی گەرمی جەستەی مرۆڤ بپێوێت، دەتوانێت لە رێگەی پشتی دەست یاخود ناوچاوانەوە پلەی گەرمی جەستە بپێوێت لەگەڵ ئەوەشدا پلەی گەرمی شتە جیاوازەکانی دیکەش بپێوێت بێجگە لە جەستەی مرۆڤ.
