گرتەی ماچی ناو کڵێسایەک کۆمپانیای نێتفلێکس تووشی گرفت دەکات

SNN

كۆمپانیای نێتفلێكس بۆ بەرهەمهێنانی فیلم و بەرهەمی تەلەفزیۆنی جارێکیتر تووشی ئابڕووچوون بووەوە پاشئەوەی گرتەی ماچێکی ناو کڵێسایەکی لە یەکێک لە دراماکانیدا پیشاندا.

دراماکە ناوی A Suitable Boy یە و باسی ژیانی سۆزداریی کیژێکی هیندۆسیی دەکات، کە سیناریۆکەی رۆماننوسی هندی فیکران سیس نووسیوێتی.

لە یەکێک لە گرتەکانی دراماکەدا پاڵەوانی چیرۆکەکە لەناو کڵێسایەکدا کوڕێکی ئیمانداری ناو پەرستگاکە ماچ دەکات و بینەرانی هندیش بەوە تووڕە بوون، دوای ئەو گرتەیە هاشتاگی (BoycottNetflix) بایکۆتی نێتفلێکس بکەن بڵاوبووەوە لە تۆڕی کۆمەڵایەتی تویتەر.

ناروتام میشرا ئەندامی حیزبی بەهاراتا جاناتا و وەزیری ناوخۆ لە ویلایەتی مادیا برادیچ دەڵێت: “ئەو گرتەیە بریندار کردنی هەستی شوێنکەوتووانی دینێکی دیاریکراوە و قبووڵکراو نییە”.

بەپێی یاسای هندستان، لەسەر تاوانی لەم جۆرە، هەر کەسێک سەرپێچی بکات سزایەکی زیندانیی بۆ دەبڕدرێتەوە کە دەگاتە سێ ساڵ بەند کردن.