ڤیدیۆ:ریاڵ مەدرید تووشی شکستێکی تر بوو

SNN Sport

لە یارییەکانی هەفتەی یانزەی خولی ئیسپانیا، یانەی ریاڵ مەدرید تووشی شکستێکی تر هاتوو لە یاریگای خۆی 2-1بە یانەی ئەلاڤێس دۆڕا.

لە سەرەتای یاریەکە و دوای 5 خولەک یاریکردن، لۆکاس پێرێز یانەی ئەلاڤێسی بە گۆڵێکی لێدانی سزا پێشخستوو گێمی یەکەم 1-0 بە سوودی یانەی میوان تەواو بوو.

لە گێمی دووەم لە خولەکی 49 جۆسێلۆ سوودی لە هەڵەیەکی کۆرتوای گۆڵچی ریاڵ مەدرید بینی، توانی گۆڵی دووەم بۆ یانەی ئەلاڤێس بکات و ئەنجامەکە بکاتە 2-0.

دواتر یانەی شاهانە هەرچەندە لە لایەن کاسێمێرۆ توانی گۆڵێک لە خولەکی 86 بکات، بەڵام لە یەکسانکردنەوەی ئەنجامەکە سەرکەوتوو نەبوو، لە کۆتایدا 2-1 دۆڕاو بۆ دووەم یاری لەسەر یەک نەیتوانی بردنەوە تۆمار بکات.

بەم شکستە یانەی ریاڵ مەدرید بە 17 خاڵ لە پلەی چوارەم دێت، یانەی ئەلاڤیس بە 13 خاڵ سەرکەوت بۆ پلەی نۆیەم.

لە وەرزی 1999/2000، یانەی ئەلاڤێس یەکەمجارە لە یانەی ریاڵ مەدرید دەباتەوە لە دەرەوەی یاریگای خۆی.