سەرۆک کیم پلانێکی نوێی بۆ رێگریکردن لە کۆرۆنا ئاشکرا کرد
کیم جۆن ئون
SNN
لەکاتێکدا سەجەم وڵاتانی جیهانی سەرقاڵی ئەوە کە ڤاکسینەکەی کۆرۆنا رۆڵ و کارگەری خۆی هەبێت لەسەر ڤایرۆسەکە، بەڵام کیم جۆن ئون سەرۆکی کۆریای باکوور پلانی جیاوازو سەیری هەیە وەک مین رێکردنی سنوورەکان تا کەس نەیەت ناو خاکی وڵاتەکەی و دروستکردنی دیواری بەرز بۆ رێگریکردن لە کۆرۆنا.
ئاژانسی هه‌واڵی كۆریای باكوور رایگه‌یاند: پیۆنگ یانگ پێداگیری له‌سه‌ر ئه‌وه ده‌كات كه به هیچ شێوه‌یه‌ك ڤایرۆسی كۆرۆنا نه‌گاته وڵاته‌كه‌یان، بۆ ئه‌و مه‌به‌سته‌ش بڕیاری نوێ به هێزی پۆلیس و سوپا له ناوچه سنوورییه‌كان دراوه كه ده‌ستبه‌جێ و به شێوه‌یه‌كی خێرا مامه‌ڵه له‌گه‌ڵ هه‌ر دۆخێكی له‌ناكاو بكه‌ن كه له نزیك سنووره‌كان رووده‌دات، ئه‌وه‌شیان بڵاوكردووه‌ته‌وه كه حكومه‌ت پلانی هه‌یه دیوارێكی گه‌وره له‌سه‌ر سنووره‌كان، له سه‌ر خاكی خۆی بنیاتبنێت، هاوكات راوی ماسیش قه‌ده‌غه‌كراوه، بۆ ئه‌وه‌ی هیچ كه‌لێنێك بۆ گه‌یشتنی ڤایرۆسی كۆرۆنا نه‌هێڵێته‌وه، لەگەڵ ئەوەشدا هەر کەسێک بیەوێت بەشێوەی نایاسایی بێتە نێو وڵاتی کۆریاوە راستەوخۆ لە سێدارە بدرێت.
