سبەی بڕیار لەسەر وادە و لێبڕینی مووچە دەدرێت

SNN- بریار محەمەد

بڕیارە رۆژی چوار شەممە  ئەنجومەنی وەزیران بۆ تاوتوێكردنی پرسی مووچە و لێبڕی مووچە و كۆببێتەوە لەو كۆبوونەوەیە بریار لەسەر شێوازی لێبڕین و بڕی لێبرینەكەش  دیاری بكرێت .

سەرچاوەیەك لە ئەنجومەنی وەزیرانی حكومەتی هەرێمی كوردستان بە  SNNی راگەیاند: بڕیارە سبەی چوارشەممە ئەنجومەنی وەزیران لەبارەی دابەشكردنی مووچە و شێوازی لێبڕینی مووچە كۆببێتەوە لەو كۆبوونەوەیە بریار لەسەر وادەی دابەشكردنی مووچەی فەرمانبەران دەدرێت.

سەرچاوەكە وتیشی: ئەگەر لەم هەفتەیە 320 ملیارەكەی بەغدا بگات ئەوا شێوازی لێبڕینەكە لەسەدا 18 دەبێت و ئەگەر 320 ملیارەكەی حكومەتی عێراقیش نەگاتە هەرێمی كوردستان ئەوا بەپێی ئەو پارەی لەبەر دەستی  وەزارەتی دارایی بێت مووچە دابەشدەكرێت و شێوازی لێبڕینەكەش بەپێی ئەو بارە پارەیە دەبێت كە لەبەردەستی حكومەتە .

بەپێی زانیارییەكانی SNN بڕیارە سەرەتای هەفتەی داهاتوو وەزارەتی دارایی و ئابووری حكومەتی هەرێمی كوردستان دەست بە دابەشكردنی مووچەی فەرامبەران بکات و لە كۆتایی ئەم هەفتەیەش بەغدا 320 ملیارەكە بنێرێت .