دابەشکردنی ڤاکسینی کۆرۆنا لە ئەمریکا کێشەی تێکەوت

SNN

سایتی CNNی ئەمریکی بڵاویکردەوە، هەردوو کۆمپانیای فایزەر و مۆدێرنا کە ڤاکسینی کۆرۆنایان بەرهەمهێناوە رایانگەیاندووە: ناتوانن رێژەی پێویست لە قۆناغی یەکەم بەرهەمبهێنن، هەروەها لەم قۆناغەدا کارمەندانی تەندروستی و چەند جۆرێک لە فەرمانبەرانی حکومەت، ڤاکسینەکەیان پێدەدرێت.

بڕیار وابوو وەک قۆناغی یەکەم 40 ملیۆن ڤاکسینی کۆرۆنا لە ئەمەریکا دابەش بکات، بەڵام هەردوو کۆمپانیا ئاشکرایانکردووە، دەتوانن لەم مانگەدا، وەک قۆناغی یەکەم، 20 ملیۆن ڤاکسینی کۆرۆنا بەرهەم بهێنن، ئەمەش وایکردووە، حکومەتی ئەمەریکا سەرەتا ڤاکسینەکە بداتە ئەو کەسانەی کە لە هێڵی پێشەوەی رووبەڕووبوونەوەی کۆرۆنان، ئەوەی کارەکەی زیاتر ئەستەمکردووە ئەوەیە، هەر کەسێک دەبێت، دوو جار بە ڤاکسینەکە بکوترێت.