كازمى گرژییهكانى سهر سنوورى عێراق و توركیا لهگهڵ ئهردۆغان تاوتوێدهكات
مستهفا كازمى، سهرۆكوهزیرانى عێراق | فۆتۆ: نووسینگهى راگهیاندنى سهرۆكوهزیران
SNN
باڵیۆزى عێراق له توركیا كارنامهى سهردانهكهى سهرۆكوهزیرانى عێراق بۆ توركیا ئاشكرا دهكات و دهڵێت: كازمى كردهوه تیرۆریستییهكانى سهر سنوورى عێراق و توركیا لهگهڵ بهرپرسانى توركیا تاوتوێدهكات، ئاماژه بهوهشدهكات: “پهیوهندییه بازرگانییهكانى نێوان ههردوو وڵات یهكێكه لهو خاڵانهى كازمى و ئهردۆغان باسى لێوهدهكهن”.
ئهمڕۆ یهكشهممه حهسهن جهنابى، باڵیۆزى عێراق له توركیا رایگهیاند: “لهسهر بانگهێشتى ڕهجهب تهیب ئهردۆغان، سهرۆككۆمارى توركیا رۆژى 17ى كانونى یهكهم، مستهفا كازمى، سهرۆكوهزیرانى عێراق و وهفدێكى یاوهرى له وهزیرهكانى كابینهى حكومهت سهردانى توركیا دهكات”.
وتیشى: “له سهردانهكهدا ههردوولا هاریكارى سهربازى، پهیوهندییه ئابوورییهكان و جموجۆڵى بازرگانى نێوانیان تاوتوێ دهكهن، بهڵام یهكێك لهو بابهتانهى كه ههردوولا ههڵوهستهى لهسهر دهكهن بریتیه له جێگیربوونى گروپه تیرۆریستییهكان لهسهر سنوورى عێراق توركیا، ئهمه سهرهڕاى ئهو ئۆپراسیۆنه سهربازییانهى كه بههۆى ههبوونى ئهوانهوه لهسهر سنوور بهڕێوهدهچن”.
باڵیۆزى عێراق له ئێران لهبارهى كارنامهى سهردانهكهى كازمییهوه زانیارى زیاتر دهخاتهڕوو و ئاماژه بهوهدهكات: “بابهتى پهیوهندییه ئابوورى و بازرگانییهكانى ههردوو وڵات به گهرمى باسى لێوهدهكرێت، عێراق جهخت لهسهر زیاتر چالاككردنى پهیوهندییه بازرگانییهكانى لهگهڵ توركیا دهكات كه له ئێستادا قهبارهكهى گهیشتووهته زیاتر له 15 ملیار دۆلار”.
حهسهن جهنابى باس لهوهشدهكات: “بابهتى ههناردهكردنى نهوت، كێشهى ئاو، كهرتى وزه، پێدانى ڤیزا به هاووڵاتییانى عێراق بهشێوهیهكى راستهوخۆ و هاوكارى ئابوورى نێوان ههردوولا به وردى باسى لێوهدهكرێت”.
