سبەینێ گەشتەکانی نێوان عێراق و دوو وڵاتی ئەوروپی دەستپێدەکاتەوە

SNN

وەزیری گواستنەوەی عێراق رایگەیاند، سبەینێ سێشەممە گەشتە ئاسمانییەکانی نێوان عێراق و ئەڵمانیا و دانیمارک دەستپێدەکاتەوە.

ناسر شبلی وەزیری گواستنەوە و گەیاندنی عێراق رایگەیاند: “سبەی گەشتە ئاسمانییەکان لەگەڵ شارەکانی کۆپنهاگن و فرانکفۆرت و بەرلین دەستپێدەکاتەوە”.

ئەمەش لەکاتێکدایە لە سەرەتای ئەمساڵەوە عێراق گەشتە ئاسمانییەکانی لەگەڵ ئەو وڵاتانەراگرت کە بەشێوەیەکی بەرچاو ڤایرۆسی کۆرۆنا تیایاندا بڵاوبووەتەوە.

لە چەند مانگی رابردوودا عێراق بە چەند قۆناغێك گەشتە ئاسمانییەکانی لەگەڵ وڵاتان دەستپێکردەوە.