تووشبوون بە کۆرۆنا لە ڕاپەڕین بۆ نزمترین ئاست دابەزیووە

SNN-محەمەد مستەفا

لە سنووری ئیدارەی راپەڕین ماوەی مانگێکە ئامارەکانی تووشبوون و مردن بە ڤایرۆسی کۆڕۆنا نزمترین ئاستی تۆمار کردووە .

تەها محەمەد بەرپرسی راگەیاندنی تەندروستی ڕاپەڕین بە SNN ی راگەیاند: لە ماوەی یەک مانگی ڕابردوو ڕێژەیەکی زۆر کەمی هاووڵاتیان لە سنووری ئیدارەی ڕاپەڕین توشی ڤایرۆسی کۆڕۆنا بوون هاوکات رێژەی مردنیش بە ڤایرۆسەکە بۆ نزمترین ئاست دابەزیووە .

وتیشی: “لە ئێستادا لە سەنتەرەکانی کۆڕۆنا لە ڕانیە و پشدەر تەنیا 21 توشبووی کۆڕۆنا لە ژێر چاودێری پزیشکیدان و تەندروستی زۆرینەشیان جێگرە ”

باسی لەوەشکرد: لە سنوری ئیدارەی راپەڕین تا ئێستا 2825 کەس توشی ڤایرۆسی کۆڕۆنا بووە و لەو ژمارەیەش  227 تووشبوویان گیانیان لە دەستداوە .