بیێڵسا: بە درێژایی یاریەکە هەستم دەکرد دەتوانین بگەڕێینەوە

SNN Sport

مارسێلۆ بیێڵسای راهێنەری یانەی لیدز یونایتدی ئینگلیزی، لە هەفتەی 14ی خولی ئینگلتەرا 6-2 بە یانەی مانچستەریونایتد دۆڕاو تووشی گەورەترین شکستبوو لەم وەرزە.

بیێڵسا راهێنەری یانەی لیدز یونایتد، پاش شکستی یانەکەی لە کۆنگرەیەکی رۆژنامەوانیدا وتی:” تیپەکەم تا کۆتایی زۆر بە توندی دژی یانەی مانچستەریونایتد شەڕی کردووە سەرەڕای ئەو شکستە قورسەی کە تووشی یانەکەمان بوو لە خولەکە”.

بیێڵسا وتی:” ئێمە لە ماوەی یاریەکە دەمانتوانی بگەڕێینەوە بۆ ئەنجامی یاریەکە،هەمووکات دەرفەت هەبوو بۆ گەڕانەوە،ئەوان لە دەرفەتەکان گۆڵیان کرد،بەڵام ئێمە نەمانتوانی ئەوە بکەین، لە نیوەی دووەمدا ئێمە زۆر بە شێوەیەکی یەکسانی یاریمان کرد تا خولەکی 80،دواتر ئەوان دەرفەتی ئاسانتریان لە ئێمە دەستدەکەوت”.

لە کۆتایدا وتی:”لە نیوەی یەکەمدا گۆڕانکارییەکان لە ناوەڕاستی یاریگادا وزەیەکی زیاتریان دەبەخشی،تۆپی ناو گۆڕەپانەکە زیاتر دەبوو،ئێمە بە جیاوازییەکی زۆر دۆڕاین،دەمانویست جیاوازیەکە کەمتر بکەینەوە،بە درێژایی یاریەکە جەنگاین، ئەوەش ئەرکی ئێمەیە”.