یەکەم وڵاتی عەرەبی گومانی هەبوونی چوار حاڵەتی “کۆرۆنای گۆڕاو” دەکات
SNN
دەسەڵاتی فڕۆکەوانی شانشینی عومان رایگەیاند: کە فڕۆکەیەک لە بەریتانیاوە گەڕاوەتەوە بۆ عومان و چوار حاڵەتی کۆرۆنای تێدابووە، گومانیش دەکرێت هەر چوار حاڵەتەکە لە جۆری کۆرۆنای گۆڕاوبن.
دوای ئەم رووداوە ئەحمەد بن محەمەد وەیزری تەندروستی عومان رایگەیاند: لیژنەیەک لە کۆمەڵێک پسپۆڕی ڤایرۆسی پێکهێنراوە بۆ لێکۆڵینەوە لەو چوار حاڵەتی ڤایرۆسی کۆرۆنایە، دەمانەوێت بزانین ئایا ئەو چوار تووشبووە هەڵگری کۆرۆنای گۆڕاون یاخود کۆرۆنای ئاساییە.
راشیگەیاند: تا ئێستا هیچ بەڵگەیەک نییە کە ئەم کۆرۆنا گۆڕاوە لە کۆرۆنای ئاسایی توندترو بەهێزتربێت، لەکاتی ئێستادا ئێستا لە وڵاتەکەماندا ڤاکسینی کۆرۆنا فەراهەمکراوەو هیوادارین سەرجەم هاووڵاتییانمان بەم ڤاکسینە بکوتین.
