پەرلەمانتارێکی عێراق: بەغدا ئەوەندە رووی داوە بە هەرێم ناوەڕاست و باشووری لێ هار کردووین

SNN

پەرلەمانتارێکی سەربە لیستەکەی حەیدەر عەبادی سەرۆکوەزیرانی پێشووتری عێراق دەڵێت: “بەغدا ئەوەندە بۆ هەرێمی کوردستانی شل کردووە پارێزگاکانی باشوور و ناوەڕاستی لێ هانداوین داوای هەرێمی سەربەخۆ دەکەن”.

نەدا شاکر کە هاوکات ئەندامی لیژنەی دارایی پەرلەمانیشە دەڵێت: “حکومەتی عێراق جیاوازی زۆر دەکات لەنێوان پارێزگاکاندا و هاوکاری هەرێم زۆر دەکات، بۆیە پارێزگاکانی دیکەی ناوەڕاست و باشوور هەست بە غەدر لێکردنیان دەکەن”.

وتیشی: “بەشە بودجەی هەرێمی کوردستان لەپرۆژەیاسای بودجەدا نیشانەی پرسیاری زۆر لەسەرە، دانیشتوانی پارێزگاکانی ناوەڕاست و باشوور وا هەست دەکەن مافیان دەخورێت بۆ سوودی هەرێمی کوردستان”.

نەدا شاکر دەشڵێت: “زانیاری دزەی کردووە بۆیان کە بەغدا بەنیازە هەموو شایستە داراییەکان بۆ هەرێم بنێرێت ئەوەی لەسەری بووەتا ماڵ، بێئەوەی داوای ئەوە لە هەرێم بکات کە بەسەریەوە بووەتە ماڵ و پێویستە هەولێر بیدات”.

راشیگەیاند “گەر بەغدا ئەم هەنگاوە بنێت، هانی پارێزگاکانی دیکە دەدات داوای هەرێمی سەربەخۆ بکەن وەک هەرێمی کوردستان و داوای بەشە پارەی خۆیان بکەن”.