توێژینەوەیەک: دوای تووشبوون بە کۆرۆنا تا پێنج مانگ پارێزراو دەبیت

SNN

توێژینەوەیەکی نوێی بەریتانی ئاشکراکردووە، زۆرینەی ئەو کەسانەی کە تووشی ڤایرۆسی کۆرۆنابوون، لانیکەم تا پێنج مانگ تووشی ڤایرۆسەکە نەبوونەتەوە.

توێژینەوەکە کە ناوەندی تەندروستی گشتی ئینگلتەرا بڵاویکردووەتەوە، ئەوەی تێدا باسکراوە، ئەو کەسانەی کە تووشی کۆرۆنابوون و لە ئێستادا چاکبوونەتەوە، مەترسی تووشبوونەوەیان بە ڤایرۆسەکە %83 کەمتربووە لەو کەسانەی کە پێشتر تووشی کۆرۆنا نەبوون.

سوزان هۆپکینز سەرۆکی تیمی توێژینەوەکە رایگەیاندووە، بەرگری جەستەی چاکبووەوەکان بەرامبەر بە ڤایرۆسەکە زیاترە لەوەی کە پێشتر دەزاندرا.

زانایان هۆشداریشیانداوە لەوەی، ئەگەری تووشبوونەوە بە کۆرۆنا لە کەمتر لە پێنج مانگدا ئەگەرچی لای زۆرینەی کەسەکان ئەگەرێکی لاوازە، بەڵام هەندێک تووشی ڤایرۆسەکە بوونەتەوە لە کەمتر لەو پێنج مانگەدا و کەسانی دیکەشیان تووشکردووە.