سێ هەفتەی دیکە ڤاکسینی کۆرۆنا دەگاتە عێراق
ڤاکسینی کۆرۆنا
SNN
وەزارەتی تەندروستی عێراق رایگەیاند، سێ هەفتەی دیکە ڤاکسینی فایزەر دژ بە کۆرۆنا دەگاتە عێراق.
حەسەن تەمیمی وەزیری تەندروستی عێراق لەوبارەیەوە بە کەناڵی فەرمی عێراقی وتووە: “یەکەم وەجبەی ڤاکسینی کۆرۆنا سێ هەفتەی دیکە دەگاتە عێراق کە پێکهاتووە کە سێ ملیۆن ژەمە ڤاکسین”.
ئاماژەی بەوەشکردووە: دابەشکردنی ڤاکسینەکە بەسەر هاووڵاتیاندا بە گوێرەی ئەوەلیاتێک دەبێت کە دیاریکراوە.
وتیشی: تەواوی ئەو ڤاکسینەی کە بە گوێرەی گرێبەستەکان دەگاتە عێراق بەشی 20%ی دانیشتوانی عێراق دەکات کە بڕەکەی هەشت ملیۆن ژەمە ڤاکسینە.
