%60ی ئەو ماددە هۆشبەرانەی دێتە نیو خاکی عێراق بۆ بەکارهێنانی ناوخۆییە

SNN

خالک عەزاوی ئەندامی لیژنەی ئەمنی و بەرگری لە ئەنجوومەنی نوێنەرانی عێراق رایگەیاند: رێژەکانی ئالوودەبوونی هاووڵاتیانی عێراق بە ماددە هۆشبەرەکان بەرەو زیادبوون دەڕوات و 60%ی ئەو ماددە هۆشبەرانەی کە دێتە عێراقەوە بۆ بەکارهێنانی ناوخۆییە.

عەزاوی بە “بغداد الیوم”ی راگەیاند: عێراق ماوەی چەندین ساڵە بۆتە هۆکارێکی گرنگی گواستنەوەی ماددەی هۆشبەر بۆ وڵاتانی دراوسێ و ئەوروپاش، لەم رێژەیەش بە دڵنیاییەوە عێراق پشکی خۆی دەبێت لەم بەڵایەو هاووڵاتیانی وڵاتەکەمان ئالوودەی کێشانی ماددە هۆشبەرەکان دەبن و ژمارەکان لە ئێستادا جێگەی دڵخۆشی نین.

ئەو ئەندامەی ئەنجوومەنی نوێنەران داوای ئەوەش دەکات ئەو یاسایانەی کە ئێستا بۆ ماددەی هۆشبەر بوونی هەیە توندتر بکرێت و بەکارهێنەران و بازرگانانی ماددە هۆشبەرەکان سزاکانیان لەسەر قورستر بکرێت کە بوونی هەیە، لەگەڵ ئەوەشدا هێزی ئەمنی تایبەتی پێکبهێنرێت بۆ رووبەڕووبوونەوەی باندەکانی ماددەی هۆشبەر و بەدواداچوون بۆیان.