63 وەزیری ئێستا و پێشووی عێراق لە گەندەڵییەوە تێوەگلاون

SNN

دەستەی دەستپاکی عێراقی رایگەیاند، 63 وەزیری ئێستا و پێشووی عێراق ساڵی رابردوو تێوەگلابوون لە گەندەڵییەوە.

دەستەی دەستپاکی عێراقی لە راگەیەندراوێکدا ئەمڕۆ بڵاویکردەوە، 63 وەزیری عێراقی ئێستا و پێشوو رووبەڕووی 92 تۆمەتی گەندەڵی بوونەتەوە، ئەوەش لە ماوەی ساڵی 2020دا.
دەستەی دەستپاکی ئاماری کار و چالاکییەکانی ساڵی رابردووی بڵاوکردووەتەوە و ئاماژەی بەوەشکردووە: هەشت هەزار و 891 کەس لە عێراق تۆمەتی گەندەڵییان رووبەڕووکراوەتەوە و لەو نێوەندەشدا 854 کەسیان رووبەڕووی دادگا کراونەتەوە.
دەستەی دەستپاکی تا ئێستا ناوی ئەو وەزیر و بەرپرسانەی بڵاونەکردووەتەوە کە تۆمەتی گەندەڵییان خراوەتەپاڵ، جۆری گەندەڵییەکانیش ئاشکرانەکراون.
بە گوێرەی رێکخراوی شەفافیەتی نێودەوڵەتی عێراق لە ریزی ئەو وڵاتانەدایە کە زۆرترین گەندەڵی تێدا دەکرێت.