بە هۆکارێکی نادیار دەیان تانکەری نەوت لەسەر سنووری ئێران سووتان
وێنەی رووداوەکە
SNN
لە ناوچەی هیرات و لە مەرزی ئیسلام قەلعەی ئەفغانی هاوسنووری ئێران دەیان تانکەری نەوت بەهۆی لێچوونی سووتەمەنییەوە ئاگریان تێبەربوو.
تەقینەوەکان کە تائێستا هۆکارەکەی نەزانراوە، پشێوی و دڵەڕاوکێیەکی زۆری بەدوای خۆیدا هێناوە لە ناوچەکەدا، بەهۆیەوە وزەی کارەبای ئەو شوێنەش بڕاوە.
رۆژنامەی تۆلۆنیوزی ئەفغانی لە زاری وەحید قیتالی حاکمی ویلایەتی هیراتەوە بڵاویکردووەتەوە “بەهۆی نەبوونی ئامێر و کەرەستەی پێویستەوە نەتوانراوە وەک پێویست ئاگرەکە کۆنترۆڵ بکرێت، بەوهۆیەشەوە داوای هاوکارییان لە ئێران کردووە”.
تەقینەوەکە بووەتەهۆی سووتانی عەمبارەکانی سووتەمەنیی ئێرانیش کە لە کۆنترۆڵ دەرچووە و ئاگرەکەش بەهۆی لێچوونی سووتەمەنی بووە لە یەکێک لە تانکەرەکانی گواستنەوەی نەوت کە لەئێرانەوە بەرەو ئەفغانستان بەڕێکەوتووە.
