د. رۆژ نووری شاوەیس کۆچی دواییکرد

SNN

سەر لەبەیانی ئەمڕۆ دووشەممە لە یەکێک لە نەخۆشخانەکانی شاری هەولێر پاش مانەوەی بۆ ماوەی 3 رۆژ بە بێ هۆشیی، د. رۆژ نووری شاوەیس ئەندامی مەکتەبی سیاسی پارتی دیموکراتی کوردستان کۆچی دواییکرد.

سەرچاوەیەکی تایبەت بە SNNی راگەیاند: دوای ئەوەی ماوەی سێ رۆژ بوو د. رۆژ نووری شاوەیس، ئەندامی مەکتەبی سیاسی پارتی بەهۆی نەخۆشییەوە لە نەخۆشخانەی ژینی تایبەت لە هەولێر لەژێر چاودێری ورددا بوو، ئەمڕۆ کۆچی دواییکردووە.

بەشێک لە ژیاننامەی د. رۆژ نووری شاوەیس:

ساڵی 1947 لە سلێمانی لەدایکبووە

کۆلێژی ئەندازیاری لە زانکۆی موسڵ خوێندووە

بڕوانامەی دکتۆرای لە ئەندازیاری لە ئەڵمانیا بەدەستهێناوە

ئەندامی مەکتەبی سیاسیی پارتی دیموکراتی کوردستان بووە

لە هەڵبژاردنی ساڵی 1992 سەرۆکی لیستی پارتی بووە

لە کابینەی یەکەمی حکومەتدا جێگری سەرۆکوەزیران بووە

ساڵی 1999-2003 سەرۆکی پەرلەمانی کوردستان بووە

سەرۆکوەزیرانی کابینەی سێیەم لە حکومەتی هەرێمی کوردستان بووە

ساڵی 2004 جێگری سەرۆکوەزیرانی عێراق بووە

ساڵی 2010 سەرۆکی شاندی دانوستاندنکاری هەرێمی کوردستان بووە بۆ پێکهێنانی حکومەتی عێراق