بیڵ گەیتس: چارەسەری قەیرانی کۆرۆنا زۆر ئاسانە

SNN

بیڵ گەیتس دامەزرێنەری مایکرۆسۆفت باس لە مەترسییەکانی سەر ژینگە دەکات و دەشڵێت: “چارەسەری قەیرانەکانی کۆرۆنا زۆر زۆر ئاسانە، بەراورد بە چارەسەری ئەو کێشە و قەیرانانەی کە رووبەڕووی ژینگەبوونەتەوە”.

بیڵ گەیتس کە ئێستا بە چالاکوانێکی دیاری بواری ژینگە دادەنرێت، لە چاوپێکەوتنێکیدا ئاماژەی بەوەکرد: “ساڵانە 51 ملیار تۆن لە گازە ژەهرینەکان تێکەڵ بە ژینگە دەکرێت لە سەرتاسەری جیهاندا، دەبێت ئەم ژمارەیە بۆ سفر کەمبکەینەوە”.

گەیتس وتیشی: تەکنەلۆژیا دەتوانێت هاوکارێکی گەورەبێت لە پاراستنی ژینگەدا و ئەگەر جیهان وزەی کارەبا لەرێگەی با و وزەی خۆرەوە بەدەستبهێنێت ئەوا رێژەی ئەو گازە ژەهرینانەی کە تێکەڵ بە هەوا دەبن %30 کەمدەکات.

وتیشی %70ی هۆکارەکانی ژەهراویبوون دەگەڕێتەوە بۆ بەرهەمهێنانی چیمەنتۆ و ستیل و سیستەمی گواستنەوە..هتد.
گەیتس باسی لەوەکرد کە جیهان درک بە مەترسییە راستەقینەکانی تێکەڵبوونی دوانەئۆکسیدی کاربۆن بە هەوا ناکات.