وەزارەتی نەوتی عێراق، داهاتی مانگی ڕابردووی نەوت زیاتر لە چوار ملیار دۆلار بووە

SNN

ئەمڕۆ پێنجشەممە وەزارەتی نەوتی عێراق راگەیەندراوێک لەبارەی فرۆشتنی داهاتی نەوتی مانگی رابردوو بڵاودەکاتەوە، تێیدا ئاماژە بەوە دەکات کە عێراق بەهای چوار ملیار دۆلار نەوتیان فرۆشتووە، هەناردەی نەوت لە مانگی كانونی دووەمی ڕابردوو گەیشتووەتە 88 ملیۆن و 922 هەزار و 697 بەرمیل.

وەزارەتەکە روونیشی کردەوە، هەناردەی نەوت لە ناوەڕاست و باشوور گەیشتووەتە 85 ملیۆن و 870 هەزار و 503 بەرمیل، بە داهاتی چوار ملیار 602 ملیۆن و 609 هەزار دۆلار، لەكاتێكدا هەناردەی نەوتی كەركوك لە بەندەری جیهان سێ ملیۆن و 52 هەزار و 194 بەرمیل بووە بە داهاتی 162 ملیۆن و 391 هەزار و 98 دۆلار، هەروەها بەهای بەرمیلێک نەوتی فرۆشراو 53 دۆلار بووە بە کۆمپانیا و وڵاتان.