“وەرگرتنی ڤاکسين مەرجی سەرەکی فەريزەی حەجە”

SNN

وەزارەتی تەندروستی سعوديە رايگەياند: “وەرگرتنی ڤاکسينی کۆرۆنا مەرجی سەرەکی بەجێگەياندنی فەريزەی حەجە”.

ميدياکانی سعوديە لەزاری تۆفيق رەبيعە وەزيری تەندروستی سعوديە بڵاويانکردەوە: “پێش هاتنی وەرزی حەج هێزی کار و تیمی تەندروستی لە شاری مەککە و مەدینە و دەروازەکانیان ئامادەدەبن”.

وەزيری تەندروستی وتوشيەتی: “ئەو حاجيانەی لەدەرەوە سەردانی مەککە و مەدينە دەکەن مەرجی سەرەکی ئەوەيە ڤاکسينی کۆرۆنايان وەرگرتبێت” دەشڵێت:” ليژنەکانی پێدانی ڤاکسين هەماهەنگ دەبن لەبەڕێوەچونی فەريزەی حەجدا”.

ئەمە لەکاتێکدايە ماوەی ساڵێکە بەهۆی بڵاوبوونەوەی ڤايرۆسی کۆرۆناوە فەريزەکانی حەج و سەردانکردنی سعوديە بەمەبەستی ئەنجامدانی عومرە بە رووی سەردانکەرانی دەرەوەدا راگيراوە.