خامنەی” ئێران پێويستی بە پيتاندنی يۆرانيۆمە”
عەلی خامنەیی
SNN
عەلی خامنەی رابەری باڵای کۆماری ئيسلامی ئێران رايگەياند، وڵاتەکەی لە ئێستا و داهاتوشدا پێويستی بە پيتاندنی يۆرانيۆمە.
عەلی خامنەی رابەری باڵای کۆماری ئيسلامی ئێران لە تويتێکدا رايگەياند:” ئێران لە ئێستا و داهاتووش پێويستی بە پيتاندنی يۆرانيۆمە، بەپشتيوانی خوا بەدەستی دەهێنين”.
خامنەی نوسيويشيەتی” لەم بابەتەدا رێگە بە هيچ کەس نادەين ئێران بترسێنیت، دەيانەوێت فشار لە ئێران بکەن کە پاشەکشە بکات، بەڵام کۆماری ئيسلامی ئێران پاشەکشە ناکات”.
لە تويتێکی تردا خامنەی دەڵێت: کاتێک نەوت تەواو بوو، بەکارهێنانی وزەی ئەتۆم دەبێتە شتێکی باو کە بەرهەمهێنانی خاوێنتر و هەرزانترە، لەوکاتەشدا ناتوانرێت پيتاندن زيادبکرێت ئێمە ئێستا پێويستمانە زيادی بکەين، وتيشی” رۆژئاوا دەيەوێت لەوکاتەدا ئێران پشت بە ئەوان ببەستێت”.
