ئەمڕۆ پەرلەمانی عێراق کۆدەبێتەوە و باسی بودجەش ناکات

SNN

ئەمڕۆ پەرمانی عێراق کۆدەبێتەوە و دەنگ لەسەر چەند پڕۆژە ياسايەک دەدات و خوێندنەوەی دووەم بۆ پێشنیازەیاسای هەمواری یەکەمی یاسای سەنتەری پلاندانانی شارستانی و هەرێمی دەکات.

بەپێی خشتەی کارەکانی پەرلەمانی عێراق بڕيارە ئەمرۆ کاتژمێر 3 کۆبونەوەی ئاسایی ژمارە 41ی پەرلەمانی عێراق بەڕێوەبچیت، دانيشتنەکە لە 11 تەوەر پێکهاتووە.

لە کۆبوونەوەکەدا، دەنگ دەدرێت لەسەر پێشنیازەیاسای هەمواری سێیەمی یاسای سەندیکای ژمێریاران و وردبینان، پرۆژەیاسای چوونە پاڵ رێککەوتننامەی نێودەوڵەتی بۆ ئامادەیی بۆ رووبەڕووبوونەوەی پیسبوون، پرۆژەیاسای چارەسەرکردنی جیاوازیی باج لەنێوان عێراق و کوێت.

هەروەها، دەنگ لەسەر چەند پڕۆژە ياسايەکی ديکە دەدرێت و  خوێندنەوەی دووەم دەکرێت بۆ پێشنیازەیاسای هەمواری یەکەمی یاسای سەنتەری پلاندانانی شارستانی و هەرێمی.

لە دانيشتنەکەی پەرلەمانی عێراقدا هيچ يەک لە پڕۆژە ياسای بودجەی ساڵی 2021 و پڕۆژە ياسای دادگای فيدڕاڵی نەخراوەتە بەرنامەی کارەوە.