دۆسیەیەکی تایبەت بە بەهەدەردانی 4 ملیار دۆلار لە عێراق ئاشکرا دەبێت

SNN

پەرلەمانتارێکی عێراق رایدەگەیەنێت “هەوڵێک هەیە بڕی 4 ملیار دۆلار لە پرۆژەیەکی پاککردنەوەی سوێراوێکی بەسرە بەهەدەر ببرێت کە لەنێوان کۆمپانیایەکی بەریتانی و چەند سیاسییەکدا دەست تێکەڵاو کردن هەیە”.

عالیە نسەیف دەڵێت: “پرۆژەکە بۆ پاککردنەوەی ئاوی بەسرەیە لە خوێ، کە لەسەر قەرزی بەریتانیا دەرچووە و کۆمپانیای بی ووتەر هۆڵدینگ سەرپەرشتی دەکات”.

وتیشی: “سەردەستەی کارەکە بەڕێوەبەرێکی بانکە لە شاری بەسرە و دەیەوێت پرۆژەکە بۆ ئەو کۆمپانیایە دەربچێت کە کۆمپانیایەکی گەندەڵە و پارەیەکی زۆری دزیوە پێشتر”.

ئاشکراشیکردووە باڵیۆزی پێشووی بەریتانیا لە عێراق کە ئێستا راوێژکاری کۆمپانیاکەیە، بەهاوکاری لەگەڵ چەند راوێژکارێکی تری عێراقی دەیەوێت ئەو کارە بکات و دواتر بە بیانووی نەبوونی ئاسایش پارەکە بۆ خۆیان ببەن و پاشان خەڵکی عیراق باجی دانەوەی 4 ملیار دۆلار بدات.

بەوتەی عالیە نسەیف، سکاڵا دراوەتە دەستەی نەزاهە و چاوەڕێن وەڵامی ئەو سکاڵایە وەربگرنەوە تا رێ لەو بەهەدەردانە گەورەیە بگیرێت.