“60 هەزار کۆمپانیای وەهمی لە عێراق هەیە”

SNN

سەرۆکی ژووری بازرگانی عێراق رایگەیاند: لە وڵاتەكەدا 80 هەزار كۆمپانیا هەن، كە 60 هەزاریان وەهمیین و بوونەتە کێشە بۆ کەرتی تایبەت و ئابووری عێراق.

فیراس حەمدانی سەرۆكی ژووری بازرگانیی بەغدا ئاشكرای كرد لە عێراقدا 80 هەزار كۆمپانیا تۆمار كراون، كە تەنها 20 هەزاریان كۆمپانیا راستەقینەن و بە فعلی كار دەكەن، 60 هەزارەكەی تر كۆمپانیای وەهمیین و تەنها ناویان هەیە.

دەشڵێت: ئەم كۆمپانیا وەهمیییانە قورساییەكی دارایی زۆریان لەسەر كەرتی تایبەت دروست كردووە و پێویستە یاساكانی بازرگانی هەموار بكرێنەوە، دەبێت سیاسەتێكی نوێ بۆ كەمكردنەوەی ناونیشانە بازرگانییەكان پەیڕەو بكرێت.

ئەم بەرپرسەی بەغدا ئەوەشی ئاشكرا كردووە: تا ئێستا نزیكەی 480 هەزار ناوی بازرگانی لە ژووری بازرگانی بەغدا، لە وەزارەتی بازرگانی و یەكێتی ژوورە بازرگانییەكانی عێراقدا تۆمار كراون.