ئەگەر هەیە دوای تاقیکردنەوەکانی نیوەی ساڵ کۆتایی بە وەرزی ئەمساڵی خوێندن بێت

SNN

لیژنەی پەروەردە لە ئەنجوومەنی نوێنەرانی عێراق رایدەگەیەنێت “ئەگەر هەیە وەرزی ئەمساڵی خوێندن کۆتایی پێبێت دوای ئەنجامدانی تاقیکردنەوەکانی نیوەی کۆتایی”.

عەباس زاملی بە رۆژنامەی سەباح-ی راگەیاندووە “لیژنەکەیان راسپاردەیەکی دەرکردووە بەوەی تاقیکردنەوەکان لە رۆژانی قەدەغەی هاتووچۆدا بە رێوشوێنی توندی تەندروستییەوە ئەنجامبدرێت”.

وتیشی: “ئەنجامدانی تاقیکردنەوەکان پێویستییەکی حەتمییە لەمکاتەدا لەبەرئەوەی خوێندکار لە پۆلەکانەوە دوورە و خوێندنی ئەلیکترۆنیش وەک پێویست پابەند بوونی پێوە نییە”.

روونیشیکردەوە “داوامانکردووە تاقیکردنەوەکانی نیوەی کۆتایی ساڵ پێویستە بکرێت و نمرە بۆ خوێندکار دابنرێت، لەبەرئەوەی ساڵی خوێندن تەنیا دوو مانگی ماوە، ئاساییە کۆتایی بە وەرزی خوێندن بهێنرێت”.