قەیس خەزعەلی سێ پێشنیار دەکات پێش تێپەڕاندنی بودجە

SNN

ئەمڕۆ پێنجشەممە، قەیس خەزعەلى ئەمیندارى گشتى عەسائیبى ئەهلى هەق لەعێراق لە تویتێکدا لە هەژمارى خۆى لە تویتەر رایگەیاند: سێ پێشنیارى خستووەتە بەردەم پەرلەمان بۆ ئەوەى لەبودجەدا ڕەچاو بکرێت یەکەمیان داواى کردووە، بەشە خۆراکى مانگانە زیاد و جێگیر بکرێت لەبودجەکەدا.

دووەم داواکارى کە خەزعەلى خستویەتیە ڕوو، بەرزکردنەوەى نرخى دانەوێڵەیە لەوانە گەنم و جۆ و چەڵتووک و پاڵپشتیکردنى جوتیارەکان لەهەموو ڕوویەکەوە.

داواکارى سێیەمى ئەمیندارى گشتى عەسائیب، دابەزاندنى نرخى دۆلارە، چونکە پێیوایە بارگرانیەکى زۆرى بۆ هاووڵاتیان دروستکردووە و چارەسەرکردنى ئەوەش بەسود وەرگرتن لەبەرزبوونەوەى نرخەکانى نەوت دەبێت کە پێشبینى دەکرێت لەماوەکانى داهاتوودا زیاتر بەرزبێتەوە.