بەشیر حەداد: رێککەوتنی نێوان هەرێم و لایەنە شیعەکان هەڵنەوەشاوەتەوە
بەشیر حەداد
SNN
بەشیر حەداد، جێگری سەرۆکی پەرلەمانی عێراق لە کۆنفرانسێکی رۆژنامەوانیدا رایگەیاند: رێککەوتنی نێوان شاندی باڵای هەرێم و لایەنە شیعەکان هەڵنەوەشاوەتەوە، بەپێی یاسا رێککەوتن کراوە و واژۆکراوە و مۆری لیژنەی دارایی لێدراوە.
لەبارەی ئەو گۆڕانکاریانەی ئەمڕۆ لە پرۆژەیاساکەدا کراوە: “ئەوەی کە ئەمڕۆ بەیانی گۆڕاوە ئێمە وەکو سەرۆکایەتیی پەرلەمان کاری پێناکەین”
سەبارەت بە دەستپێکردنی دانیشتنی پەرلەمانیش وتی: لە چەند خولەکی داهاتوو بڕیار لەبارەی کاتی کۆبووەنەوە دەدەین.
ئەمە لەکاتێکدایە رێزان شێخ دلێر پەرلەمانتاری عێراق بە SNNی راگەیاند: “دانیشتنەکەی پەرلەمان لە دوانیوەڕۆی ئەمڕۆوە دواکەوتووە”.
سەبارەت بە رێککەوتنی شاندی هەرێم و لایەنە شیعەکانیش وتی: “هێشتا هەوڵەکان بۆ رێککەوتن بەردەوامە، بەڵام لایەنە شیعەکان ئەو رێککەوتنەیان بەدڵ نییە کە دوێنێ ئەنجامدرا”.
