پەرلەمانی ئێران داخرا

SNN

وەزارەتی تەندروستیی ئێران رایدەگەیەنێت “لە ماوەی 24 کاتژمێری رابردوودا 24 هەزار تووشبووی نوێی کۆرۆنا و مردنی 398 کەسیش هەبووە، بەوهۆیەشەوە بینای پەرلەمان بۆ دوو هەفتە داخراوە”.

سیما سادات لاری وتەبێژی وەزارەتی تەندروستیی ئێران دەڵێت: “لە شەو و رۆژێکدا ئێران 24381 تووشبووی نوێی تۆمار کردووە و 398 کەسیش بە کۆرۆنا مردوون”.

بەگوێرەی ئەو راپۆرتەی وەزارەتی تەندروستیی ئێران، کۆی ژمارەی تووشبووان لە ئێران 2 ملییۆن و 300 هەزار کەسن و مردنیش بۆ 67 هەزار و 200 کەس بەرز بووەتەوە.

لەنێو ئەو ژمارە زۆرەی تووشبوواندا لایەنە پەیوەندیدارەکانی ئێران بڕیاریانداوە بینای ئەنجوومەنی نوێنەران (پەرلەمان) دابخەن بۆ ماوەی دوو هەفتەی دیکە.