کەشناسی هەرێم لەبارەی کەشوهەوای چەند رۆژی داهاتوو روونکردنەوە دەدات

SNN

ئاسۆ کەمال، بەڕێوەبەری کەشناسی وبومەلەرزەزانی سلێمانی بە SNNی راگەیاند: ئەمڕۆ کەشوهەوا جێگیرە و ئاسمان ساماڵ و پەڵە هەور دەبێت، پەلەکانی گەرماش لەمڕۆدا بە جیگیری دەمێنێتەوە، بەڵام بەشێوەیەکی گشتی لە سەرو تێکڕاییەکانی خۆیەوەیەتی واتا پەلەکانی گەرما بۆ ئەم مانگە لە بەرزیدایە.

بەڕێوەبەری کەشناسی وبومەلەرزەزانی سلێمانی ئەوەشی ئاشکرا کرد: هەرچی سبەینێیە پلەکانی ئاسمان دەگۆرێت بۆ هەور و نیمچە هەور و خێرایی باش زیاد دەکات، هەروەها خۆڵ و تەپوتۆز لە هەوادا لە سەبەینێدا ئەگەری دروستبوونی هەیە، لەگەڵ ئەوەشدا پلەکانی گەرما لە سبەینێدا کەمێک بەرزبوونەوە بە خۆیانەوە دەبینن، بەڵام لە دوو رۆژی داهاتووتردا پلەکانی گەرما نزم دەبنەوە.

روونیشیکردەوە، کە رێژەی بارانبارین تا ئێستا 401 ملیمە لە سلێمانی و گەر ئەو رێژەیە بەراود بکەین بە پار 713 ملیم بووە.

شایەنی ئاماژەپێکردنە دەستەی کەشناسی عێراق دوێنێ شەممە 24ی نیسان ئاماژەیان بەوەکرد کە گۆڕانکارییەک لە کەشوهەوادا روودەدات و ئەگەری باران بارینی کەم لە هەندیك ناوچەی هەرێم هەیە لەگەڵ بوونی هەورە بروسکە لە چاوچە شاخاوییەکان.