کونسوڵخانە فەرەنسا: پێویستە عێراق و ههرێمی كوردستان ههماههنگییان قوڵتر بكهنهوه
فەرەنسا
SNN
كونسوڵخانهی فەرەنسا له ههولێر پهیامێكی لهبارهی شههیدبونی پێشمهرگهیهك له سنوری قهزای كفری لههێرشێكی چهكدارانی داعش بڵاوكردهوه و تیایدا هاتووە: “پێویست دهكات كه ههردو حكومهتی عێراق و ههرێمی كوردستان، ههماههنگییان قوڵتر بكهنهوه”.
كونسوڵخانهی فەرەنسا له ههولێر لهپهیامێكدا رایگهیاند: “سهرهخۆشی ئاراستهی خانهوادهی ئهو پێشمهرگهیه دهكهن كه لهدوای برینداربونی له هێرشێكی داعشدا، لهشهوی 11 لهسهر 12ی ئایاری 2021 لهقهزای كفری، شههیدبوه، كونسوڵخانهی گشتی فڕهنسا هاوسۆزی خۆی بۆ ههڤاڵه بریندارهكانی دهخوازێت”.
راشیگەیاندوە: “جهنگی داعش جهنگی هاوبهشی ئێمهیه، پێویست دهكات كه ههردو حكومهتی عێراق و ههرێمی كوردستان ههماههنگییان قوڵتر بكهنهوه لهپێناو تهنای ههمو عێراقیهكان”.
شهوی 11ی ئهم مانگه، داعش له گوندی “ئۆمهربل”ی سهر به قهزای كفری، به قهناس هێرشی كرده سهر سهنگهرێكی لیوای 116ی هێزهكانی پێشمهرگه و بههۆیهوه دوو پێشمەرگە برینداربوون، یەکێک لە بریندارەکان پاش ئهوهی گهیهندرایه نهخۆشخانه شههیدبوو.
