کۆمسيۆن: ئامادەکاری کۆتای کراوە بۆ بەڕێوەچوونی هەڵبژاردن لەکاتی خۆيدا

SNN

کۆمیسیۆنی باڵای سەربەخۆی هەڵبژاردنەکانی عێراق، جەخت لە بەڕێوەچوونی هەڵبژاردن دەكاتەوە لە وادەی خۆیدا و رایدەگەیەنێت لە رێگەی فەرمانگە پەیوەندیدارەکانەوە ئامادەکاری کۆتایی کراوە بۆ بەڕێوەچونی هەڵبژاردنەکان لەوادەی بڕیاردراودا.

لە راگەیەندراوێكدا كۆمیسیۆن ئاماژەی بەوەشكردووە: “ئەنجومەنی کۆمیسیاران بە دادوەرە سەربەخۆکانیەوە، هەموو ئەو رەخنە و گلەییانەی شەقامی عێراقی بەهەند  وەرگرتووە کە لەماوەی رابردوودا لەسەرکاری کۆمیسیۆن خستویەتیەڕوو”.

ئەوەش هاتووە: “لێرەوە دوپاتی دەکەینەوە کۆمیسیۆن سورە لەسەر تەواوکردنی مافە بەدەستهاتوەکانی هەڵبژاردن بەشێوەیەکی ئاست بەرز لە روونی و پاکێتیدا، هەروەها لەکاتی ئێستادا نوسنیگەکانی هەڵبژاردن لەپارێزگاکان تیشک ئەخەنەسەر دابینکردنی هەموو رێگاکانی سەرکەوتنی هەڵبژاردنەکان و بەدەستهێنانی متمانەی عێراقی و هێزە نیستمانیەکان”.

راشيگەياندووە: “کۆمیسیۆن ئامادەی تەواوەتی خۆی بۆ بەڕێوەچونی هەڵبژاردنەکان لە 10ی تشرینی یەکەم ئەکاتەوە؛ لەبەرئەوەی ئەم هەڵبژاردنە گرنگیەکی لەرادەبەری هەیە بەجورێک رەنگدانەوەی کۆی بارودۆخەکانە لە عێراق، سەرەڕای ئەوەی بابەتی ئەمنی بەجومگە جیاوازەکانیەوە؛ بە یەکێک لە بەرپرسیارێتیە گەورەکانی حکومەت دادەنرێت کە تەواوی تواناکانی لەوەزارەت و لایەنەکانی تری هاوپەیوەند بخاتە گەڕ بۆ بەدیهێنان و دابینکردنی کەشێکی گونجاو بۆ ئەنجامدانی هەڵبژاردنەکان، لەسەر ئەم بناغەیە لیژنەیەکی باڵای ئەمنی بۆ هەڵبژاردنەکان بەگوێرەی فەرمانی دیوانی ژمارە 35 دەرکردووە”.