هیندستان لە مانگی نیساندا لە پلەی یەکەمی ئەو وڵاتانە بووە کە نەوتی عێراقیان کڕیوە

SNN

ئەمڕۆ پێنجشەممە، کۆمپانیای بە بازاڕکردنی نەوتی عێراقی “سۆمۆ” رایگەیاند:” کە وڵاتی هیندستان لە پلەی یەکەمی ئەو وڵاتانەدا دێت کە هاوردەی نەوتی عێراقیان کردووە بۆ مانگی نیسان”.

سۆمۆ لە راگەیەندراوەکەیدا ئاماژەی بەوەکرد کە لە کۆی 32 کۆمپانیای نەوتی کە نەوتی عێراق دەکڕن 8 کۆمپانیایان هیندی بووە، ئەمەش وای کردووە کە وڵاتی هیندستان لە پلەی یەکەمدابێت لە کڕینی نەوتی عێراق، لە دوای وڵاتی هیندستانیشەوە کۆمپانیاکانی کۆریای باشوور پاشان کۆمپانیا ئەمریکییەکان دێت، پاشان کۆمپانیا بەریتانییەکان و مالیزییەکان و فەرەنسی و هۆڵەندی و ئیتاڵی و تورکییەکان دێت.

سۆمۆ ئاماژەی بەوەشکردووە، زۆرترین ئەو کۆمپانیایانەی کە نەوتی عێراقیان کڕیوە کۆمپانیای “باهارات”ی هیندی بووە، لەگەڵ ئیکسۆن مۆبیلی ئەمریکی، بی بی بەریتانی. ساراس-ی ئیتاڵی.