تەندروستی سلێمانی: لە سەرەتای ئەمساڵەوە هەزار و 31 حاڵەتی توشبوون بە شێرپەنجە تۆمارکراوە

SNN

 تەندروستی سلێمانی رايگەياند: “لە سەرەتای ئەمساڵەوە هەزار و 31 حاڵەتی توشبوون بە شێرپەنجە تۆمارکراوە کە 76يان منداڵبوون کە دەکاتە لە %7ی رێژەی تووشبووان، لەو ژمارەيەش %80 تووشبووان لە پارێزگاکانی سلێمانی و هەڵەبجەن، لە %9ی هی پارێزگاکانی تری هەرێمە، هەروەها لە %11ی هی پارێزگاکانی ناوەڕاست و باشوری عێراقە“.

د.ياد نەقشبەندی وتەبێژی تەندروستی سلێمانی لە کۆنفرانسێکی رۆژنامەنوسيدا رايگەياند: “تووشبوون بە شێرپەنجە لە هەرێم و جيهانيش روو لە زيادبوونە و پێويستە کاربکرێت لەسەر زياتر بڵاوکردنەوەی هۆشياری تەندروستی و ئەو هۆکارانەی دەبنە هۆی تووشبوون بەو نەخۆشييە”.

سەبارەت بە چارەسەرکردنی گرفتی کەمی دەرمانيش وتی: “بەڕێوبەری گشتی تەندروستی سلێمانی لەگەڵ وەزيری دارايی قسەيکردووە و بەڵێنيداوە لەپاش گەڕانەوەی بۆ هەرێم تاوتوێی ئەم پرسە بکەن”.