کیدس رایتس: کۆرۆنا کاریگەری کارەساتباری لەسەر نەوەی داهاتوو دەبێت

SNN

رێکخراوێکی نێودەوڵەتی داکۆکیکار لە مافی منداڵان هۆشداری دەدات لە لێکەوتە نەرێنیە درێژخایەنەکانی کۆرۆنا بۆ سەر منداڵان بەتایبەتی لە پرسی پەردوردە و رایدەگەینێت: “بەهۆی ئەو پەتایەوە 168 ملیۆن منداڵ لەسەرتاسەی لە خوێندنگە دابڕاون.

رێکخراوی کیدس رایتسی هۆڵەندی لە راپۆرتێکدا لە بارەی لێکەوتە و کاریگەرییە نەرێنیەکانی کۆرۆنا ئاماژەی بەوەکردووە: “لەئەنجامی بڵاوبوونەوەی ئەو پەتایە و بەهۆی داخستنی دەرگای خوێندنگەکان نزیکەی 168 ملیۆن منداڵ تائێستا نەیانتوانیوە بچنەوە خوێندنگە.

باسی لەوەشکردووە: “تائێستا 142 ملیۆن منداڵیش بە هۆی کاریگەرییە ئابورییەکانی کۆرۆنا زیانیان بەرکەوتووە”.

لە بەشێکی دیکەی راپۆرتەکەدا هاتووە: “80 ملیۆن منداڵ لەجیهاندا بەهۆی کۆرۆناوە نەیانتوانیوە ڤاکسینی نەخۆشییەکانی دیکە وەربگرن کە ئەوەش کاریگەری لەسەر تەواوی ژیانیان دەبێت”.

پشتبەست بەو ئامارانە رێکخراوی کیدس رایتس پێیوایە: “بەردەوامبوونی ئەو دۆخە کاریگەری کارەساتبار و درێژخایەنی لەسەر ژیانی نەوەی داهاتوو دەبێت”.