وڵاتانی جی حەوت یەک ملیار ژەمە ڤاکسین بۆ وڵاتانی کەمدەرامەت دابین دەکەن

SNN

سەرۆکوەزیرانی بەریتانیا رایگەیاند: “چاوەڕێ دەکرێت وڵاتانی ئەندام لە جی حەوت یەک ملیار ژەمە ڤاکسینی کۆرۆنا بۆ وڵاتانی کەمدەرامەت دابین بکەن”.

بۆریس جۆنسۆن، سەرۆکوەزیرانی بەریتانیا لە راگەیەنراوێکدا باسی لەوەکردووە: “وڵاتانی جی حەوت پلانیان داناوە تا کۆتایی ساڵی 2022 یەک ملیار ژەمە ڤاکسینی کۆرۆنا بۆ وڵاتانی کەمدەرامەت دابین بکەن”.

وتیشی: “وه‌ك سه‌ركه‌وتنی به‌ریتانیا له‌ به‌رنامه‌ی ڤاكسین، ئیدی له‌ ره‌وشێكداین ده‌توانین ئه‌و ڤاكسینانه‌ی له‌خۆمان زیادن بیانده‌ین به‌و وڵاتانی پێویستییان پێیه‌تی. به‌ ئه‌نجامدانی ئه‌مه‌یش هه‌نگاوێكی گرنگ ده‌نێین بۆ له‌ناوبردنی ئه‌م په‌تا جیهانگیره‌”.

روونیشیکردوەتەوە: “لە قۆناغی یەکەمدا بەریتانیا 100 ملیۆن ژەمە ڤاکسینی کۆرۆنا دەبەخشێت”.

پێشتریش جۆ بایدن سەرۆکی ئەمریکا بەخشینی نیو ملیار ژەمە ڤاکسینی کۆرۆنای بە وڵاتانی کەمدەرامەت راگەیاندبوو، داواشی کردووە: “وڵاتانی دیکەی ئەندام لە جی حەوت هەنگاوی هاوشێوە بنێنن”.