بافڵ تاڵەبانی: هەموو پشتگیرییەکی خۆم بۆ هاوپەیمانیی کوردستان دووپات دەکەمەوە

SNN

بافڵ تاڵەبانی، هاوسەرۆکی یەکێتیی نیشتمانیی کوردستان رایگەیاند: ” هەموو پشتگیرییەکی خۆم بۆ هاوپەیمانیی کوردستان دووپات دەکەمەوە”.

بافڵ تاڵەبانی لە پەیامێکدا رایگەیاندوە: “من وەک کوڕی سەرۆک مام جەلال و هاوسەرۆکی یەکێتیی نیشتمانیی کوردستان، هەموو پشتگیرییەکی خۆم بۆ هاوپەیمانیی کوردستان دووپات دەکەمەوە”.

هاوسەرۆک راشیگەیاندوە: “یەکڕیزیمان یەکێکە لە ئامانجە ڕوونەکانمان و هەمیشە نەتەوەی کورد تەنها بە یەکڕیزی توانیوییەتی رووبەڕووی دژوارترین دۆخەکان ببێتەوە و تێیبپەڕێنێت”.

بافڵ تاڵەبانی لە درێژەی پەیامەکەیدا باسی لەوەکردوە: “شەبەنگی ئەم هاوپەیمانێتییە بۆ یەکڕیزی و یەکخستنی گەلی کورد و دەنگێکی یەکگرتووە. مەبەست لە هاوپەیمانیی کوردستان بۆ زیاتر مەزنکردنی گەلەکەمان، پاراستنی مافەکانمان و دابینکردنی داهاتوویەکی ڕووناکترە بۆ هەرێمی کوردستان و عێراقێکی باشتر بۆ هەمووان”.

لە کۆتاییشدا هاوسەرۆکی یەکێتی رایگەیاندوە: “بە یەکڕیزییەوە ڕابەرایەتی دەکەین و هەر بە یەکڕیزیش سەرکەوتوو دەبین”.