میت: سەرکردەیەکی پەکەکەمان کوشتووە
SNN
هەواڵگری تورکیا لە رێگەی میدیای فەرمی تورکیاوە ئەوەی بڵاوکردووەتەوە کە سەرکردەیەکی پەکەکە بە بۆردومانی فڕۆکەکانی تورکیا شەهیدکراوە.
ئاژانسی ئەنادۆڵو بڵاویکردەوە: ئەو سەرکردەیەی پەکەکە ناوی ئوڵاش دۆغان-ە و نازناوی ئۆڵاش دێرسیم-ی هەیە، رۆژی 13ی ئەم مانگە لە بۆردومانێکی تورکیا لە گوندی گەڵاڵەی سنووری ناحیەی هەڵشۆی سەر بە قەڵادزێ لە بۆردومانێکدا کراوەتە ئامانج.
لە ئۆپەراسیۆنێکی هەواڵگریدا دهزگای ههواڵگریی نیشتمانیی توركیا – میت سەکردەیەکی پەکەکە لە پارێزگای سلێمانی بەناوی ئوڵاش دۆغان کوشتووە کە ناوی لە لیستی سووری داواکراوانی تورکیادایە.
میدیای فەرمیی تورکیا زانیاریی زیاتری بڵاونەکردووەتەوە لەبارەی شوێنی ئۆپەراسیۆنەکە، بەڵام لە ماوەی رابردوودا لە دوو شوێنی سنووری پارێزگای سلێمانی فڕۆکەی تورکیا بۆردوومانی کردووە کە لە سنووری شارۆچکەی هەڵشۆ لە قەڵادزێ و لە گوندی گەڵاڵە لە قەزای ماوەت بووە.
پێشتر کامەران حەسەن قایمقامی ماوەت بە SNNی راگەیاند: کاتژمێر و 6 و 40 خولەکی ئێوارەی 13ی مانگ فڕۆکەکانی تورکیا لە گوندی گەڵاڵە ئۆتۆمبێلێکیان کردوەتە ئامانج.
وتیشی: دانیشتوانی گوندەکە لەو هێرشەدا هیچ زیانێکیان بەرنەکەوتووە، بەڵام گەریلاکانی پەکەکە کوژراو و برینداریان هەیە.
