سەرلەنوێ کۆرۆنا لە ئیسرائیل بڵاودەبێتەوە

SNN

جارێکی تر وەزاەتی تەندروستی ئیسرائیل فەرمانی کرد بە زۆرەملێ بوونی بەستنی دەمامک لەو وڵاتە، ئەمەش پاش ئەوەی مانگی رابردوو سەرکەوتن بە سەر کۆرۆنا راگەیەنرابوو.

وەزارەتی تەندروستی ئیسرائیل رایگەیاند: “پێویستە لەمڕۆوە هاوڵاتیان لە شوێنە داخراوەکان و ئەو شوێنە کراوانەی قەرەباڵغن دەمامک بەکاربهێنن”.

دوای ئەوەی زۆرینەی هاوڵاتیانی ئیسرائیل ڤاکسینی کۆرۆنایان وەرگرتبوو، مانگی رابردوو کۆتایی بە بەکارهێنانی دەمامک لەو وڵاتە راگەیەنرا و ژیان ئاسایی کرایەوە.

بڕیارەکەی ئەمڕۆی وەزارەتی تەندروستی ئیسرائیل دوای ئەوە دێت کە ژمارەیەک لە خوێندکاران لە هەردوو شاری بنیامنا و مودیعین تووشی کۆرۆنا بوون.

بەپێی لێکۆڵینەوەکان هۆکاری تووشبوونی ئەو خوێندکارانە بۆ باوکی یەکێک لە خوێدکارەکان دەگەڕێتەوە کە دوای تووشبوونی بە کۆرۆنای گۆڕاوی هیندی گەڕابوەوە بۆ ئیسرائیل.

لەئێستادا شاری بنیامینا کەرەنتین کراوە و لە چەند شارۆچکەیەکی وەک کفارسەبا، رەملە و هرتسلیا چەندین حاڵەتی تووشبوون بە کۆرۆنا تۆمار کراون.