بۆريس جۆنسن: ئه‌ركی سه‌ربازیی بەريتانيا له ئه‌فغانستان كۆتای هاتووه
SNN
سه‌رۆكوه‌زیرانی به‌ریتانیا رایگه‌یاند: “زۆربه‌ی یه‌كه سه‌ربازییه‌كانمان له ئه‌فغانستان كشاندووه‌ته‌وه و ئه‌ركی سه‌ربازیی بەريتانيا له ئه‌فغانستان كۆتایی هاتووه”، وتیشی “ئه‌و هه‌ڕه‌شه‌ی ئێمه‌ی برده ئه‌فغانستان، بەڕاده‌یه‌كی زۆر كه‌مبووه‌ته‌وه”.
بۆریس جۆنسۆن سه‌رۆكوه‌زیرانی به‌ریتانیا له‌باره‌ی كشانه‌وه‌ی سه‌ربازانی وڵاته‌كه‌ی له ئه‌فغانستان به میدیاكانی راگه‌یاند: “ئیدی ئه‌فغانستان بنكه‌یه‌كی سه‌ربازیی نییه بۆ ئه‌لقاعیده، سه‌ركردایه‌تی ئه‌لقاعیده بۆ ده‌ره‌وه‌ی وڵات راونراوه، هه‌رگیز نابێت چاو له‌و راستییه بپۆشین”.
ئاماژەی بەوەشکرد: “زۆربه‌ی یه‌كه سه‌ربازییه‌كانیان له ئه‌فغانستان كشاندووه‌ته‌وه”، به‌بێ باسكردن له رێكه‌وته‌كه‌ی، وتیشی “ئه‌و هه‌ڕه‌شه‌ی ئێمه‌ی برده ئه‌فغانستان، بەڕاده‌یه‌كی زۆر كه‌مبووه‌ته‌وه”.
جه‌ختی له‌وه‌شكرده‌وه: “هه‌ڕه‌شه‌كانی تیرۆر بۆسه‌ر ئه‌رفغانستان به‌رده‌وامن، بۆ تاڵیبان رێگایه‌كی سه‌ربازیی نییه بۆ سه‌ركه‌وتن”.
